இராக் சிறையில் கைதிகள் சித்ரவதை

https://i0.wp.com/www.president-bush.com/saddam-bush.jpg

இராக் தலைநகர் பாக்தாத்தின் இரகசிய சிறைச்சாலை ஒன்றில் தடுத்து வைக்கப்பட்டிருந்தவர்கள் பலவிதமான சித்ரவதைகளுக்கு உள்ளாக்கப்பட்டு வந்துள்ளதாகத் தெரிகிறது.

உடலில் மின்சாரம் பாய்ச்சப்படுதல், பாலியல் பலாத்காரம் போன்ற சித்ரவதைகளை இவர்கள் தொடர்ந்தும் அனுபவித்து வந்துள்ளதாகத் தெரிவிக்கப்படுகிறது.

இந்த சிறையில் முன்பு தடுத்துவைக்கப்பட்டிருந்தவர்களிடம் பிபிசி பேசியபோது, இராக்கிய பாதுகாப்புப் படையினர் திட்டமிட்டு வழிமுறை வகுத்து தங்களை துஷ்பிரயோகத்துக்கு உள்ளாக்கி வந்ததை உறுதிசெய்துள்ளனர்.

அமெரிக்காவைத் தளமாகக் கொண்டு இயங்கும் மனித உரிமைகள் அமைப்பான ஹியூமன் ரைட்ஸ் வாட்ச் வெளியிட்டுள்ள புதிய ஆய்வறிக்கையில், இக்கைதிகள் சொன்ன விபரங்கள் இடம்பெற்றுள்ளன.

முதானா இரகசிய தடுப்புக் காவல் மையம்

முதானா விமான தளத்தில் உள்ள இந்த இரகசிய தடுப்புக்காவல் மையம் தற்போது மூடப்பட்டுவிட்டது.

ஆனால் இந்த மாத முற்பகுதி வரையில் இந்த இடத்தில்தான் நானூறுக்கும் மேற்பட்ட கைதிகள் தடுத்து வைக்கப்பட்டு மிகக் கொடூரமான சித்ரவதைகளை மாதக்கணக்கில் அனுபவித்துவந்திருந்தனர்.

“எங்கள் தலையை பிளாஸ்டிக் பையால் மூடுவதிலிருந்து சித்ரவதைகள் ஆரம்பிக்கும். எங்கள் மேலே தண்ணீரை ஊற்றிவிட்டு பின்னர் உடலில் மின்சாரத்தைப் பாய்ச்சுவார்கள்” என்று இங்கு தடுத்துவைக்கப்பட்டிருந்தவர்களில் ஒருவர் கூறுகிறார். தனது அடையாளத்தை வெளியில் சொல்ல அவர் பயப்படுகிறார்

இவருக்கு நடந்த விஷயங்களும் இந்த இடத்தில் தடுத்துவைக்கப்பட்டிருந்த வேறு நாற்பது பேர் ஹியூமன் ரைட்ஸ் வாட்ச்சின் ஆய்வறிக்கையில் தெரிவித்துள்ள விஷயங்களும் நிரம்பவும் ஒத்துப்போகின்றன.மேலும் படிக்க…

ஆறுகளை உருவாக்கி நாட்டை வளமாக்கும் மேற்கு தொடர்ச்சி மலை

Tamilnadu special news update

தேனி: இந்தியாவில் பெரும்பாலான நதிகள் மேற்கு தொடர்ச்சி மலைப்பகுதிகளிலேயே உருவாகின்றன. இவற்றில் உருவாகும் ஆறுகள் தான் நாட்டின் வளத்திற்கு முக்கிய காரணம். மேற்கு தொடர்ச்சி மலை குஜராத் மாநிலம் தப்தியில் துவங்கி தமிழகத்திலுள்ள கன்னியாகுமரி வரை கர்நாடகா, கேரளா என பரவியுள்ளது.
இவற்றில் குஜராத் மாநிலத்தில் நர்மதா, தப்தி ஆகிய ஆறுகள் மேற்கு தொடர்ச்சி மலை துவங்கும் இடத்தில் உருவாகுகின்றன. இவை குஜராத் மாநில வளத்திற்கு முக்கிய பங்கு வகிக்கின்றன.  இதையடுத்து கிருஷ்ணா, கோதாவரி ஆறுகள் மலையின் மத்திய பகுதியில் உருவாகி ஆந்திர மாநிலத்தை வளம் கொழிக்க செய்கின்றன. கர்நாடக மாநில பகுதியில் மேற்கு தொடர்ச்சி மலையில் உருவாகும் கபினி, தமிழக பகுதிக்கு காவிரியாக வந்து சேர்ந்து தஞ்சை, திருச்சி மாவட்டங்களை வளம்கொழிக்கசெய்கிறது.  கேரள பகுதியில் மேற்கு தொடர்ச்சி மலைப்பகுதியில் உருவாகும் நெய்யாறு, அமராவதி ஆறாக தமிழகத்திற்குள் வருகிறது.  இதே போல் கேரள பகுதியில் முல்லையாறு, பெரியாறு ஆகியவை மலைப்பகுதிகளில் ஓடிவந்து பெரியாறு அணையில் தேங்கி முல்லைப்பெரியாறாக தமிழகத்திற்கு ஓடி வருகிறது. இதை நம்பி தென்மாவட்ட விவசாயம் மற்றும் குடிநீர் ஆதாரங்கள் உள்ளன.  மேகமலை பகுதியில் இருந்து மூலவைகை ஆறு உருவாகி வைகை அணைக்கு வைகை ஆறாக வந்து சேர்கிறது.  நாட்டின் முக்கிய நதிகள் அணைத்தும் மேற்கு தொடர்ச்சி மலைப்பகுதிகளிலேயே உருவாகின்றன. ஆற்றில் தண்ணீர் வளம் குன்றாமல் வர மேற்கு தொடர்ச்சி மலையை பாதுகாப்பது அவசியம். இந்த பணியில் தான் கேரளாவில் உள்ள பெரியாறு புலிகள் சரணாலயத்தை பாதுகாத்து வரும் பெரியாறு பவுண்டேஷன் போன்ற அமைப்புகள் செயல்பட்டு வருகின்றன.  மேற்கு தொடர்ச்சி மலை வனங்களை பாதுகாப்பது அவசியம். அங்குள்ள மரங்களை வெட்டாமல், வன விலங்குகள் அழியாமல் இருந்தால் நமக்கு தேவையான மழை கிடைக்கும். காடு வாழ்ந்தால், நம் ஒவ்வொருவரின் வீடும் வாழும்

dinamalar

மர்ம காரில் வெடிகுண்டு: நியூயார்க்கில் பெரும் பீதி

Top world news stories and headlines detail

நியூயார்க் : அமெரிக்காவின் நியூயார்க்கில்உள்ள, ‘டைம்ஸ்’ சதுக்கத்தில், நேற்று மர்ம காரில் இருந்த வெடிகுண்டால் அப்பகுதியில் பெரும் பரபரப்பு ஏற்பட்டது. நியூயார்க் போலீசார் விரைந்து செயல்பட்டு அக் குண்டை செயலிழக்கச் செய்தனர். இதனால், பயங்கர குண்டு வெடிப்பு தவிர்க்கப்பட்டது. போலீசாரின் விரைவான நடவடிக்கைக்கு பாராட்டு தெரிவித்துள்ளார்அமெரிக்க அதிபர் ஒபாமா.

அமெரிக்காவின் நியூயார்க்நகரத்திலுள்ள, ‘டைம்ஸ்’ சதுக்கம், உலகின் பிரபலமான சுற்றுலாத் தலங்களில் ஒன்று. உலகின் பலபகுதிகளிலிருந்து சுற்றுலாப்பயணிகள் இங்கு வந்த வண்ணம் இருப்பர். அதனால் இப்பகுதி எப்போதும் பரபரப்பும் நெரிசலும் மிகுந்ததாக இருக்கும்.நேற்று முன்தினம் மாலை, இங்குள்ள 45வது தெருவில், ஒரு மர்ம கார் நின்றிருந்தது.விளையாட்டுப் போட்டியில் பயன்படுத்தப்படும், ‘நிசான் பாத்பைண்டர்’ ரக அடர்பச்சை நிறம் உடைய அந்தக் காரின் பின்புறத்திலிருந்து புகை வெளிவந்திருக்கிறது. ஆபத்துக் காலத்தில் எரியும் விளக்குகள் ஒளிர்ந்து கொண்டிருந்தன. அருகில் இருந்த ‘டி-ஷர்ட்’கடையின் வியாபாரி, மர்மகாரிலிருந்து வரும் புகையையும் விளக்கு ஒளிர்வதையும் பார்த்து விட்டு, போலீசாருக்குத் தகவல் அனுப்பினார். உடனடியாக அப்பகுதியில், நியூயார்க் போலீசார் குவிக்கப்பட்டனர்.தொடர்ந்து காரிலிருந்து புகை வந்து கொண்டிருந்ததால், உள்ளே வெடிகுண்டு ஏதேனும் இருக்கிறதா என்று பரிசோதிப்பதற்காக, வெடிகுண்டு சோதனை நிபுணர்கள்வரவழைக்கப்பட்டனர்.

இதற்கிடையில் காரில் குண்டு இருப்பது உறுதியானதும், ‘டைம்ஸ்’ சதுக்கத்தின் உள்ளேயும் வெளியேயும் இருந்த ஆயிரக்கணக்கான ஓட்டல்கள், கடைகள், உணவுவிடுதிகளை அடைக்கச் சொல்லி போலீசார் உத்தரவிட்டனர்.அப்பகுதியில் குவிந்திருந்தசுற்றுலாப் பயணிகள், அங்குக்குடியிருந்தவர்கள், ‘ப்ராட்வே’பகுதியில் இருந்த சினிமா தியேட்டர்களுக்கு வந்தவர்கள் என ஆயிரக்கணக்கான மக்களை அப்பகுதியிலிருந்து வெளியேற்றினர்.அப்பகுதியின் 43வது தெருவிலிருந்து 48வது தெருவரை ஆறு தெருக்கள் முற்றிலுமாக அடைக்கப் பட்டன.அதன்பின், காரின் பின்புற ஜன்னல் உடைக்கப்பட்டு, ரோபாட் கருவி ஒன்று உள்ளே அனுப்பப் பட்டது. அதில், காரின் பின்புற இருக்கையில், ‘ப்ரோபேன்’ வாயு அடங்கிய மூன்று பெட்டிகள், பெட்ரோல் நிரப்பப்பட்ட 18 லிட்டர் கொள்ளளவு கொண்ட இரண்டு கேன்கள், குறைந்த சக்தி கொண்ட வெடிபொருள் பவுடர், இரண்டு டைமர் கடிகாரங்கள் இருப்பது கண்டறியப்பட்டது.

உடனடியாக, செயலில் இறங்கிய வெடிகுண்டு நிபுணர்கள் அவற்றின் இணைப்பைத் துண்டித்து வெடிகுண்டை செயலிழக்கச் செய்தனர்.

நியூயார்க் மேயர் மைக்கேல் ப்ளூம்பெர்க் கூறுகையில், ‘மிகப் பெரிய விபத்து அதிர்ஷ்டவசமாகத் தவிர்க்கப்பட்டுள்ளது. யார் எதற்காக இதைச் செய்தனர் என்பது தெரியவில்லை’ என்று தெரிவித்தார்.நியூயார்க் போலீஸ்துறையின் கமிஷனர் ரேமண்ட் கெல்லி, ‘காரில் இருந்தது சக்தி குறைந்தவெடிகுண்டுதான். கார் குறித்து அப்பகுதியில் பொருத்தப்பட்டுள்ள சி.சி.டி.வி., கேமராக்களின் காட்சிகள்பரிசோதிக்கப்படும்’ என்றார்.

அமெரிக்க அதிபர் ஒபாமா,’நியூயார்க் போலீசார் விரைந்து செயல்பட்டு, வெடிகுண்டைச்செயலிழக்கச் செய்துள்ளனர்’ என்று பாராட்டியுள்ளார்.ஏற்கனவே 2001 செப்டம்பர் 11 இரட்டைக் கோபுர சம்பவத்தில் அதிர்ந்திருக்கும் நகரில், நேற்றைய சம்பவம் அதிக பரபரப்பைஏற்படுத்தியது. ஆனால் பாதுகாப்பு போலீசார் மேற்கொண்டமுயற்சிகள் உடனடியாகஅசம்பாவிதங்களைத் தடுத்து விட்டது.

dinamalar

அடுத்த அதிர்ச்சி – காலாவதி உணவுப் பொருட்கள்!

மனிதர்களின் உயிரோடு விளையாடி கோடிக்கணக்கில் பணம் சம்பாதித்த காலாவதி மருந்துப் பொருள்கள் விற்பனை குறித்த செய்திகள் அண்மையில் தமிழகத்தை உலுக்கி எடுத்த நிலையில் தற்போது மீண்டும் ஒரு காலாவதி பிரச்சனை வெளிச்சத்துக்கு வரத் தொடங்கியுள்ளது. இதுவும் உயிரோடு விளையாடும் செயல்தான். விளையாட்டுக்குப் பலியாகிறவர்கள் வழக்கம் போலவே நடுத்தர மற்றும் ஏழை மக்கள்தாம்.

காலாவதி மருந்தைப் போன்று காலாவதியான உணவு மற்றும் நறுமணப் பொருள்கள் விற்கப்படுவதாக வரும் தகவல்கள் உண்மையிலேயே வயிற்றில் புளியைக் கரைப்பதாக உள்ளது.

சாக்கு மூட்டைகளில் விற்பனை செய்யப்பட்டுக் கொண்டிருந்த அரிசி உள்பட அனைத்து உணவுப் பொருள்களும் தற்போது கவர்ச்சிகரமான பாக்கெட்டுகளில் விற்பனை செய்யப்படுகின்றன. காகிதத்தில் மடித்துத் தரும் பொருள்களைவிட பாக்கெட்டுகளில் விற்கப்படுபவையே தரமான பொருள்கள் என்று நம்பி மக்கள் வாங்குகின்றனர்.

மோசடிக் கும்பல் மக்களின் இந்த நம்பிக்கையை முதலீடாக்கி கோடிக் கணக்கில் லாபம் பார்த்துக் கொண்டிருக்கின்றன.

காலாவதியான உணவுப் பொருள்களை மிகவும் குறைந்த விலைக்கு வாங்கி அவற்றை அழகிய பிளாஸ்டிக் பாக்கெட்டுகளில் அடைத்து, தேதியை மாற்றி விற்பனை செய்யப்படுவதாகவும், காலாவதியான உணவுப் பொருள்களை வாங்கி சேமித்து வைப்பதற்கென்றே கிடங்குகள் உள்ளன என்றும் தற்போது அதிர்ச்சியான தகவல்கள் வெளியாகி உள்ளன.

சென்னை வண்ணாரப்பேட்டையில் இதுபோன்றதொரு கிடங்கில் பொதுமக்களின் புகார்களை அடுத்து, நுகர்பொருள் வாணிபக் கழக அதிகாரிகளும் சென்னை மாநகராட்சி அதிகாரிகளும் சோதனை செய்தனர்.

அங்கு அடுக்கி வைக்கப்பட்டு இருந்த பிரபல நிறுவனங்களின் தயாரிப்புகளான பற்பசை, டீத்தூள், சேமியா, அப்பளம், பாடிஸ்பிரே, பருப்பு, பாஸ்மதி அரிசி உள்பட 50-க்கும் மேற்பட்ட பொருட்களை அதிகாரிகள் சோதனை செய்தபொது இவை அனைத்தும் 3 ஆண்டுகளுக்கு முன்பே காலாவதியானவை என்பதைக் கண்டுபிடித்துள்ளனர்.

இதையடுத்து குடோன் உரிமையாளர் முத்துப்பாண்டியை தப்பிச் சென்றுவிட்டார். அதிகாரிகள் இந்த கிடங்குக்கு சீல் வைத்தனர்.

இப்படி பல கிடங்குகள் சென்னையில் உள்ளதாகக் கூறப்படுகிறது.

inneram.com

மருத்துவ கவுன்சிலா… ஊழல் கவுன்சிலா…? தோண்டத் தோண்ட கிளம்பும் பூதம்

Front page news and headlines today

பஞ்சாப் பாட்டியாலா மருத்துவக் கல்லூரியில் 2010-11ம் ஆண்டு மாணவர் சேர்க்கைக்கு அனுமதி வழங்க, இரண்டு கோடி ரூபாய் லஞ்சம் பெற்ற வழக்கில், இந்திய மருத்துவக் கவுன்சிலின் (எம்.சி.ஐ.,) தலைவர் கேதன் தேசாய் கைது செய்யப்பட்டார். இவருடன், இடைத்தரகர் ஜிதேந்தர்பால் சிங், தனியார் மருத்துவக் கல்லூரி டாக்டர் கன்வல்ஜித் சிங், பஞ்சாப் மருத்துவக் கல்லூரி துணைத் தலைவர் சுரீந்தர் சிங் ஆகிய மூன்று பேரை சி.பி.ஐ., அதிகாரிகள் கைது செய்தனர்.

புதிய மருத்துவக் கல்லூரிக்கு அனுமதி வழங்கும் முன், எம்.சி.ஐ., குழு, சம்பந்தப்பட்ட கல்லூரியில் நேரில் ஆய்வு நடத்தும். அக்குழுவின் அறிக்கை எம்.சி.ஐ., நிர்வாகக் குழுவில் விவாதிக்கப்பட்டு, கல்லூரிக்கு அனுமதி வழங்கப்படும். பஞ்சாப் மருத்துவக் கல்லூரியில் ஆய்வு செய்த எம்.சி.ஐ., குழு, பல குறைபாடுகளை சுட்டிக்காட்டியிருந்தது. இந்த அறிக்கை பிப்ரவரி 5ம் தேதி நடந்த எம்.சி.ஐ., நிர்வாகக் குழு கூட்டத்தில் விவாதிக்கப்பட்டது. இந்நிலையில், குறைபாடுகளையும் மீறி சம்பந்தப்பட்ட மருத்துவக் கல்லூரிக்கு 2010-11ம் ஆண்டில் மாணவர் சேர்க்கையை நடத்த அனுமதி வழங்குவதற்காக, கேதன் தேசாய் லஞ்சம் பெற்றது தெரியவந்தது.

டில்லி, புனே, சண்டிகர், மும்பை, ஆமதாபாத் என நாடு முழுவதும் பல இடங்களில் கேதன் தேசாயின் வீடு மற்றும் அலுவலகத்தில் சி.பி.ஐ., அதிகாரிகள் நடத்திய ரெய்டில், ஆவணங்கள், பணம், நகை மற்றும் வங்கிக் கணக்குகள், லாக்கர்கள் கண்டுபிடிக்கப்பட்டன. அவரிடமிருந்து 1,801 கோடியே 50 லட்சம் ரூபாய் மதிப்பிற்கு 1,500 கிலோ தங்கம் பறிமுதல் செய்யப்பட்டதாக செய்தி வெளியானது. இத்தகவலை சி.பி.ஐ., மறுத்தது. நம் நாட்டில் 300க்கும் மேற்பட்ட மருத்துவக் கல்லூரிகள் உள்ளன. இக்கல்லூரிகளைக் கண்காணிக்கும் உயரிய அமைப்பாக இந்திய மருத்துவக் கவுன்சில் உள்ளது. புதிய மருத்துவக் கல்லூரிகளுக்கு அனுமதி வழங்குவது, இளநிலை, முதுநிலை மருத்துவப் படிப்பிற்கான அனுமதியை புதுப்பிப்பது, படிப்பை முடித்த டாக்டர்களை பதிவு செய்வது, டாக்டர்கள் தங்களது பணியில் ஒழுங்காக நடந்துகொள்கிறார்களா என்பதை கண்காணிப்பது உள்ளிட்ட பணிகளை எம்.சி.ஐ., செய்து வருகிறது.

கேதன் தேசாய் 1996ம் ஆண்டு முதல் 2001ம் ஆண்டு வரை எம்.சி.ஐ., தலைவராக இருந்தார். 2001ம் ஆண்டு, 65 லட்சம் ரூபாய் வாங்கிய வழக்கில், கைது செய்யப்பட்டார். 2009ம் ஆண்டு, அந்த 65 லட்சம் ரூபாயும் கேதன் தேசாய்க்கு கிடைத்த அன்பளிப்பு (!) என, வழக்கு கைவிடப்பட்டது. அந்த ஆண்டே கேதன் தேசாய் மீண்டும் எம்.சி.ஐ., தலைவரானார். அவர் பதவி வகித்த ஏழு ஆண்டுகளில், 40 தனியார் மருத்துவக் கல்லூரிகளுக்கு முறைகேடாக அனுமதி வழங்கியிருக்கலாம் என சி.பி.ஐ., வட்டாரங்கள் சந்தேகிக்கின்றன. இதனால், அவருடைய பதவிக் காலத்தில் அனுமதி பெற்ற மருத்துவக் கல்லூரிகள் குறித்த விவரங்களை சி.பி.ஐ., தீவிரமாக ஆய்வு செய்து வருகிறது.மேலும் படிக்க…