ராஜ் தாக்கரே மீது 73 வழக்குகள்

மும்பை, மகாராஷ்டிர நவ நிர்மாண் சேனா (எம்.என்.எஸ்.) அமைப்பின் தலைவர் ராஜ் தாக்கரே மீது 73 குற்ற வழக்குகள் நிலுவையில் உள்ளன. இவற்றில் 6 வழக்குகளில் அவர் ஜாமீன் பெற்றுள்ளார் என போலீஸôர் தெரிவித்தனர்.மகாராஷ்டிரத்தில் சிவசேனை கட்சியுடன் ஏற்பட்ட கருத்து வேறுபாடு காரணமாக, அக்கட்சியிலிருந்து பிரிந்து மகாராஷ்டிர நவ நிர்மாண் சேனா என்ற புதிய கட்சியை ராஜ் தாக்கரே தொடங்கினார்.மும்பை மராத்தியர்களுக்கு மட்டுமே சொந்தம் என்றும், வட இந்தியர்கள் மராத்தியர்களின் உரிமைகளைப் பறிப்பதாகவும் கூறி, அவர்கள் மீது எம்.என்.எஸ். அமைப்பினர் கடந்த வருடம் மும்பையில் தாக்குதல்களில் ஈடுபட்டனர். இது தொடர்பாக அந்த அமைப்பின் தலைவர் ராஜ் தாக்கரே போலீஸôரால் கைது செய்யப்பட்டார். இதனைத் தொடர்ந்து மகாராஷ்டிரம் முழுவதும் பல்வேறு இடங்களில் கலவரங்கள் வெடித்தன. இந்தக் கலவரங்கள் அனைத்தும் ராஜ் தாக்கரேவின் தூண்டுதலின் பேரில் நடைபெற்றதாக அவர் மீது 73 குற்றவியல் வழக்குகள் பதிவு செய்யப்பட்டன.இவற்றில் 6 வழக்குகளில் ஜாமீன் தரப்பட்டுள்ளது. மீதமுள்ள வழக்குகள் அனைத்தையும் தாக்கரே சந்திக்க வேண்டியுள்ளது என அதிகாரப்பூர்வ தகவல்கள் தெரிவித்தன. இந்த வழக்குகளில் தாக்கரேவுக்கு ஆதரவாக பிரபல குற்றவியல் வழக்கறிஞர் சாயாஜி நாங்ரே ஆஜராக உள்ளார்.

நன்றி:dinamani.com

ரஞ்சிதாவைத் திருமணம் செய்ய சம்மதித்த நித்யானந்தா!- புதிய தகவல்கள்

“நித்யானந்தா தனதுபிரம்மச்சரியத்தைத் துறந்து, ரஞ்சிதாவைத் திருமணம் செய்து கொள்ளச் சம்மதித்து விட்டார். ஆனால் அப்படி திருமணம் செய்தால் பல ஆயிரம் கோடி சொத்துக்களைக் காப்பாற்ற முடியாது என்பதால் கடைசி நேரத்தில் மறுத்தார். அதன் விளைவுதான் ரஞ்சிதாவும் லெனின் கருப்பனும் திட்டமிட்டு சாமியாரைக் கவிழ்த்தனர்”, என்று புதிய தகவல்கள் வெளியாகியுள்ளன.

நன்றி:thatstamil.oneindia.in

நித்யானந்தாவை சுற்றி எப்போதும் 16 பெண்கள்!

சேலம் வருகை புரியும் நித்யானந்தாவைச் சுற்றி முக்கிய புள்ளிகள், சீடர்கள், அவருடன் வரும் பெண்கள் மட்டுமே அனுமதிக்கப்படுவர். ஆசிரமத்துக்கு தினமும் வரும் சீடர்கள், பார்வையாளர்கள் ஒருவரும், நித்யானந்தா வந்து செல்லும் வரை அனுமதிக்கப்படுவதில்லை.

நித்யானந்தாவுடன் 16 பெண்கள் சேவை செய்வதற்காக பெங்களூரில் இருந்து உடன் அழைத்து வரப்படுவது வழக்கம். அவர்கள், நித்யானந்தாவின் மாளிகைக்கு உடனடியாக அனுப்பி வைக்கப்படுவர். நித்யானந்தா முக்கிய புள்ளிகளுடன் ஆலோசனை நடத்தி விட்டு மாளிகைக்கு திரும்பும் போது, பெண்கள் தயாராக சேவை புரிய காத்திருக்க வேண்டும்.

அவருக்கு கால் பிடித்து விடுவது, உடல்களை அமுக்கி விடுவது, குளிக்க வேண்டிய தண்ணீர் எடுத்து வைப்பது, சாப்பிட தேவையான உணவுகளை பரிமாறி, ஊட்டி விடுவது என சகல பணிகளும் ஆசிரம பெண்களை தவிர மற்றவர்கள் செய்ய அனுமதிக்கப்படுவதில்லை. நித்யானந்தா, ஆசிரமத்தில் பெண்களுடன் ஆனந்த நிலையில் ஆட்டமிடுவதும் உண்டு.

“சிடி’ கேசட்டுகளில் பாடல்களை பாட விட்டு, பெண்கள் புடை சூழ நித்ய தாண்டவமிடுவதும் உண்டு. பெண்களுடன் ஆனந்த மோக நிலையில் ஆனந்தமிடும் நித்யானந்தா, தன்னை கண்ணபிரானாகவும், உடன் பெண்களை கோபியராக பாவித்து தழுவல் நிறைந்த நடன அசைவுகள் மூலம், “ஆன்மிக’ பாடம் நடத்துவதும் வழக்கம்.

நன்றி:nakkheeran.in

குஜராத் நிலைமை தெரியுமா?????

அமிதாப் பச்சனுக்கு மல்லிகா சாராபாய்

திறந்த மடல்

எனதருமை பச்சன்ஜி,

குஜராத்தி என்ற முறையில் வாழ்த்துகிறேன். நீங்கள் உண்மையிலேயே ஒரு அற்புதமான நடிகர். நீங்கள் அறிவுகூர்ந்தவர். புத்திசாலித்தனமான வர்த்தகர். ஆனால் எந்தப் பொருளை வாங்க வேண்டுமென்று நீங்கள் விளம்பரங்களில் சொல்கிறீர்ளோ, அதை நான் நம்ப வேண்டுமா? உங்களுக்கு எதிலெல்லாம் நம்பிக்கை இருக்கிறது என்பதைப் பார்க்கலாமா?(பெரும் பணத்தைப் பெற்றுக்கொண்டு அவ்வாறு சொல்வதாக இருந்தாலும்..!). பிபிஎல், ஐசிஐசிஐ, பார்க்கர் மற்றும் லக்சர் பேனாக்கள், மாருதி வெர்சா, காட்பரி சாக்கலேட்டுகள், நெரோலக் பெயிண்ட்ஸ், டாபர், இமாமி, எவரெடி, சஹாரா சிட்டி ஹோம்ஸ், டிஙடமாஸ், பினானி சிமெண்ட் மற்றும் ரிலையன்ஸ். இதுதான் அந்தப் பட்டியல். தற்போது குஜராத்.
உங்கள் வீடு பினானி சிமெண்டால் கட்டப்பட்டதா? காட்பரி சாக்கலேட்டோ அல்லது டாபர் நிறுவனத்தின் ஹாஜ்மோலாவையோ உண்மையிலேயே நீங்கள் விரும்புகிறீர்களா? எந்தப் பேனாவை நீங்கள் பயன்படுத்துகிறீர்கள்? விளம்பரத்துக்கான படப்பிடிப்பு நேரத்தைத் தவிர, வேறு சமயத்தில் மாருதி வெர்சா காரை ஓட்டியதுண்டா? வீட்டிற்காக வாங்கச் சொல்லும் நெரோலக் பெயிண்டில் ஈயம் இருக்கிறது. அது உங்களையும், மற்ற பலரையும் கொஞ்சமாக, கொஞ்சமாக விஷமேற்றி விடும் என்பதை நீங்கள் அறிவீர்களா?(உங்கள் வீட்டில் அந்த பெயிண்டைதானே பயன்படுத்துகிறீர்கள்..?). இல்லையென்றால், வெறும் பணத்துக்காகத்தான் இந்த விளம்பரங்களில் தோன்றுகிறீர்களா?
ஆனால் எந்தவித நேரடியான வருமானத்தையும் பெற்றுக்கொள்ளாமல் குஜராத்தை முன்னிறுத்த ஒப்புக்கொண்டீர்கள்? பிராண்ட் குஜராத்தை முன்னிறுத்தும் முடிவுக்கு எப்படி சரி என்று சொன்னீர்கள்? மாநிலத்தின் நிலை என்ன என்பதை கேட்டீர்களா? எனக்கு சந்தேகமாக இருக்கிறது. இந்த முடிவும், அறிவிப்பும் ஒரே ஒரு சந்திப்பிற்குப் பிறகு வெளிவந்தது. அதனால்தான் குஜராத்தில் உள்ள நிலைமை பற்றி நீங்கள் கவனமாகப் பார்த்திருக்க மாட்டீர்கள் என்று நான் சந்தேகப்படுகிறேன்.
அதனால் குஜராத்தி என்ற முறையில், எனது மாநிலத்தை உங்களுக்கு அறிமுகப்படுத்த அனுமதி கொடுங்கள். துடிப்பான குஜராத் என்ற பெயரில் கடந்த இரண்டாண்டுகளாக நடத்தப்பட்டு வரும் விழாக்களின் மூலம் லட்சக்கணக்கான கோடி முதலீட்டுக்கான ஒப்பந்தங்கள் கையெழுத்தாகியுள்ளன என்று அனைவருக்குமே தெரியும். ஆனால் இந்த ஒப்பந்தத்தைத் தாண்டி அடுத்த கட்டத்தை வெறும் 23 விழுக்காடு ஒப்பந்தங்கள்தான் அடைகின்றன என்பதை குஜராத் அரசே ஒப்புக்கொண்டுள்ளதை நீங்கள் அறிவீர்களா? பெரும் பணம் படைத்த வணிக நிறுவனங்களுக்கு எக்கச்சக்கமான மானியங்கள் அள்ளி வழங்கப்படுகின்ற வேளையில், 75 ஆயிரம் சிறு மற்றும் குறு நிறுவனங்கள் மூடப்பட்டு, அதனால் 10 லட்சம் பேர் வேலையிழந்துள்ளனர் என்பது தெரியுமா?
குஜராத்தை வளப்படுத்த பெரும் முதலாளிகள் வரிசையாக நிற்கிறார்கள் என்பது உங்களுக்குத் தெரியும். யாரை வளப்படுத்த? நமது ஏழைகள் பரம ஏழைகளாக மாறி வருகிறார்கள் என்பது உங்களுக்குத் தெரியுமா? 1993 முதல் 2005 வரையில் வறுமைக்குறைப்பில் அகில இந்திய சராசரி 8.5 விழுக்காடாகும். ஆனால் குஜராத்தில் அது வெறும் 2.8 விழுக்காடு மட்டும்தான். குடும்பத்தலைவர் மட்டுமல்ல, ஒட்டுமொத்த விவசாயக்குடும்பமே குஜராத்தில் தற்கொலை செய்து கொள்கிறது.
நர்மதா திட்டத்தில் 29 ஆயிரம் கோடி ரூபாய் செலவிட்டுள்ளார்கள். இதுவரை 29 விழுக்காடு பணிதான் நடந்துள்ளது. அதிலும் கட்டுமானப் பணியின் தரம் மிக மோசம். கடந்த ஒன்பது ஆண்டுகளில் 308 இடங்களில் உடைப்பு(எந்த சிமெண்டில் கட்டினார்கள் என்பது உங்களுக்கு ஒருவேளை தெரிந்திருக்கலாம்..!!) ஏற்பட்டது. லட்சக்கணக்கான விவசாயிகள் பாதிக்கப்பட்டார்கள். உப்பளங்களில் இருந்து உப்பு அடித்துச் செல்லப்பட்டது. 1999ல் 4 ஆயிரத்து 743 குஜராத் கிராமங்கள் குடிநீர் கிடைக்காமல் இருந்தன. இரண்டே ஆண்டுகளில் அது 11 ஆயிரத்து 390 ஆக உயர்ந்தது.
குஜராத்தின் தலைமை நிர்வாகியாக சித்தரிக்கப்படும் எங்கள் முதல்வரின் தலைமையில் கடனாளிகளின் பட்டியலில் முதலிடத்தைப் பிடித்துள்ளோம். 2001 ஆம் ஆண்டில் மாநிலத்தின் மீதான கடன் 14 ஆயிரம் கோடியாக இருந்தது. இப்போது 1 லட்சத்து 5 ஆயிரம் கோடியாகிவிட்டது. இந்தக்கடனைத் தீர்க்க ஒவ்வொரு ஆண்டும் 7 ஆயிரம் கோடி ரூபாய் செலவு செய்கிறோம். இது எங்கள் மாநில பட்ஜெட்டில் 25 விழுக்காடாகும்.
இதற்கிடையில், கல்வித்துறையில் சரிவு. ஏழைகளுக்காக புதிதாக எந்த அரசு மருத்துவமனையும் கட்டப்படவில்லை. மீனவர்கள் பிச்சைக்காரர்களாக மாறி வருகிறார்கள். பிரசவத்தின்போது இறக்கும் தாய்மார்களின் எண்ணிக்கை அதிகரித்துவிட்டது. ஒரு நாளைக்கு சராசரியாக ஒரு பாலியல் பலாத்காரம், பெண்கள் மீது ஒரு நாளைக்கு சராசரியாக 17 தாக்குதல்கள், கடந்த பத்தாண்டுகளில் 8 ஆயிரத்து 802 தற்கொலைகள் மற்றும் “விபத்தால்” 18 ஆயிரத்து 152 பெண்கள் மரணம் என்ற புள்ளிவிபரங்கள் அனைத்தும் அதிகாரபூர்வமாக அரசால் தரப்பட்டுள்ளதாகும். உண்மையான விபரம் எவ்வளவு என்பதை நீங்களே கற்பனை செய்து கொள்ளுங்கள்.
சோமநாத் கோவிலும், காந்தியும் தன்னை ஊக்குவித்ததாக நீங்கள் கூறியுள்ளீர்கள். சோம்நாத் கோவில் மக்களுக்காகக் கட்டப்பட்டது. காந்தியும் மக்களோடு மக்களாக இருந்தவர். உங்களுக்கு உண்மையிலேயே இந்த மாநில மக்கள் மீது அக்கறை இருக்கிறதா? இருந்தால் உங்கள் முடிவு வேறுமாதிரியாக இருந்திருக்கும். இக்கடிதத்தை படித்து முடிவெடுப்பீர்கள் என்று நான் நம்புகிறேன்.

மல்லிகா சாராபாய்