கதவை மூடு…காமம் வரட்டும்.

Quantcast

நித்யா நந்தா…இன்றைய தினம் மீடியாக்களை ஆக்ரமித்த காவிக் காமக் கலைஞர்.

விடாது கருப்பாய் நம்மை வீடியோ தேட வைத்த அடுத்த காவி வித்தகர்..வீடியோவில் மாஸ்க் செய்யப்பட்ட முகம் யாரென பட்டிமன்றம் நடத்த பயன்பட்டவர்.இப்படி அடுக்கிக் கொண்டே போகலாம் இந்த காவி மனிதர்களின் அக்கிரமங்களை..

இது ஒரு புறம் இருக்க தீர்த்தம் என்ற பெயரில் போதைக்கு அடிமையாக்கும் அடுத்த பகவன் அந்தப்புரம்..

சாமியார் போர்வையில் எவ்வளவு சல்லாபங்கள்..காவி போர்வையில் எவ்வளவு களிப்பு..என கிளர்ச்சியுறம் இம்மனிதர்களை கடவுளாய் நம்பும் கூட்டம் மாறவா போகிறது..

அடுத்த காவியை தேடும்..அவனை கடவுலாக்கும்..களிப்புறும்..பின் அவன் லீலை தெரியும் போது பக்தகோடி ஆத்திர மடையும்..கல்வீசும்..பேனர் கிழிக்கும்.

இந்த ஆனந்தாக்கள் வரிசையில் எத்தைனையோ ஆனந்தாக்ளும்,பகவான்களும் படைஎடுத்திருக்கிறார்கள்..படையெடுக்க காத்திருக்கிறார்கள்…பக்தகோடிகளை நம்பி..பக்தர்களே தயாராய் இருங்கள்..அவர்களுக்கு சிவப்பு கம்பளம் விரிக்க..காசு கொடுத்து ஆசிரமம் வளர்க்க…

பின் ஒரு நாள் காவி காம களியாட்டம் வரும்..அன்று கல் எறியவும் உங்களை தயார்ப் படுத்தி கொள்ளுங்கள்..

நன்றி:padaipali.wordpress.com

ரஞ்சிதா தலைமறைவு:மணிரத்னம் கவலை

நடிகை ரஞ்சிதாவுடன் தான் இருந்த வீடியோ காட்சிகள் வெளியானதையடுத்து சாமியார் நித்யானந்தா தலைமறைவானார்.

இதையடுத்து தற்போது நடிகை ரஞ்சிதாவும் தலைமறைவாகியுள்ளார்.

ரஞ்சிதா 1992ல் பாரதி ராஜா இயக்கிய நாடோடி தென்றல் படம் மூலம் கதாநாயகியாக அறிமுகமானார். விஜயகாந்துடன் பெரிய மருது, சத்யராஜுடன் அமைதிப்படை, அர்ஜுனுடன் கர்ணா உள்ளிட்ட பல படங்களில் நடித்து பிரபலமானார்.

ராணுவத்தில் அதிகாரியாக பணியாற்றும் ராகேஷ் மேனன் என்பவரை திருமணம் செய்து திடீரென்று சினிமாவுக்கு முழுக்கு போட்டார். கணவருடன் சந்தோஷமாக குடும்பம் நடத்திய அவர் சமீபத்தில் மீண்டும் சினிமாவுக்கு வந்தார்.

மணிரத்னம் இயக்கும் ராவணன் படத்தில் நடித்துக் கொண்டிருக்கிறார். தெற்கத்தி பொண்ணு டி.வி. தொடரிலும் நடித்தார்.

கணவருடன் மோதல் என்றும் பணக்கஷ்டத்தில் இருக்கிறார் என்றும் அதனால்தான் நடிக்க வந்துள்ளார் என்றும் அவரைப்பற்றி செய்திகள் வெளியாயின.

இதற்கு பதில் அளித்து ரஞ்சிதா கூறும்போது, எனது கணவருடன் சண்டையும் இல்லை. எனக்கு பணக்கஷ்டமும் இல்லை. கணவர் சம்மதத்தோடுதான் நடிக்க வந்தேன். வில்லி வேடங்களில் கூட நடிக்கத்தயாராக இருக்கிறேன் என்றார்.

தியாகராய நகரில் உள்ள ஹபிபுல்லா சாலையில் ரஞ்சிதா வசித்து வந்தார். சில வீடுகளை வாடகைக்கு விட்டுள்ளார். அதன் மூலம் மாதம் ரூ. 30 ஆயிரம் வரை வாடகை வருவதாக கூறப்படுகிறது.

இந்நிலையில்தான் சுவாமி நித்தியானந்தாவுடன் இணைத்து பரபரப்பான படங்கள் வெளிவந்துள்ளன.

வீடியோ படங்கள் பற்றி கருத்து கேட்க அவரை தொடர்பு கொண்டபோது செல்போன் சுவிட் ஆப் செய்யப்பட்டு இருந்தது. வீடும் பூட்டி கிடக்கிறது. அவர் தலைமறைவாகி விட்டதாக கூறப்படுகிறது. கடந்த 2ஆம் தேதி இச்செய்தி வெளியானதில் இருந்து நித்தியானந்தாவும் தலைமறைவாகிவிட்டார்.

சுவாமி நித்யானந்தாவுடன் படுக்கையறையில் ரஞ்சிதா இருப்பது போல் வெளியான வீடியோ படக்காட்சிகளால் தமிழ் திரையுலகினர் அதிர்ச்சி அடைந்துள்ளனர்.

ரஞ்சிதா மீது நடிகர் சங்கம் நடவடிக்கை எடுக்குமா? என்று தெரியவில்லை. ஏற்கனவே விபசார வழக்கில் நடிகை புவனேஸ்வரி கைதான போது நடிகர் சங்க அடிப்படை உறுப்பினர் பதவியில் இருந்து நீக்கப்பட்டார் என்பது குறிப்பிடத்தக்கது.

இயக்குநர் மணிரத்னம் ராவணா பட விசயமாக ரஞ்சிதாவை தொடர்பு கொள்ளமுடியாததால் டென்ஷனில் இருக்கிறார்.  இப்படி ஆரம்பத்ததில் இருந்தே சோதனை சோதனை மேல் அவருக்கு.  அதனால்தான் அப்செட்டாகி உள்ளார்.

நன்றி:nakkheeran.in

மு.க.ஸ்டாலினுக்கு ஜெயலலிதா அனுப்பிய நன்றி கடிதம்

திருச்சி அண்ணா விளையாட்டு மைதானத்தில் கலைஞர் வீட்டு வசதி திட்டத்தின் கீழ் தமிழ்நாட்டில் 21 லட்சம் குடிசை வீடுகளை கான்கிரீட் வீடுகளாக மாற்றும் திட்ட தொடக்க விழா நடந்தது. விழாவில் துணை முதல் அமைச்சர் மு.க.ஸ்டாலின் பேசுகையில்,

தமிழக ஊரக வளர்ச்சித்துறை பல திட்டங்களை சிறப்பாக செயல்படுத்தி வருகிறது. அந்த வகையில் கலைஞர் வீட்டு வசதி திட்டத்தையும் நிறைவேற்றும் பொறுப்பு வழங்கப்பட்டு இருப்பதை எனது வாழ்வில் கிடைக்க பெறாத பெரும் பேறாக கருதுகிறேன்.

கடந்த சட்டமன்ற கூட்டத் தொடரில் கவர்னர் உரையில் அறிவிக்கப்பட்ட இந்த திட்டத்தை உடனே செயல்படுத்த வேண்டும் என்று முதல் அமைச்சர் ஆணையிட்டார். அதனை நிறைவேற்றும் பொறுப்பையும் எங்களுக்கு வழங்கினார்.

அந்த தொடக்க விழாவை திருச்சியில் நடத்த வேண்டும் என்று கூறினார். அது மட்டுமல்ல இன்னொரு செய்தியையும் இங்கே தெரிவிக்க விரும்புகிறேன். தொடக்க விழாவில் யார் யாரை அழைக்க வேண்டும் என்றும் சொன்னார்.

சட்டமன்றத்தில் உள்ள அனைத்து கட்சிகளை சேர்ந்த தலைவர்களையும் அழைக்க வேண்டும் என்று கூறியதால் எதிர்கட்சிகள் தொடங்கி புரட்சி பாரதம் கட்சி வரை அத்தனை தலைவர்களுக்கும் கடிதம் எழுதி அழைப்பிதழ் தயாரிக்க வேண்டும் என்பதால் விழாவில் கலந்து கொள்வது பற்றி தங்களது விருப்பத்தை தெரிவிக்கும்படி நானே கடிதம் எழுதினேன்.

இங்கு வந்திருக்கின்ற தலைவர்கள் அனைவரும் மனப்பூர்வமாக சம்மதம் தெரிவித்து பதில் அனுப்பியவுடன் அழைப்பிதழ் அனுப்பப்பட்டது. எதிர்கட்சித் தலைவர் ஜெயலலிதாவுக்கும் கடிதம் எழுதினேன்.

அதற்கு அவரிடம் இருந்து பதில் கடிதம் வந்தது. மிக்க மகிழ்ச்சி. சில அலுவலக பணி காரணமாக நான் பங்கேற்க இயலாது என அவர் பதில் அனுப்பி இருந்தார். எதிர்கட்சி தலைவர் உள்பட அத்தனை பேருக்கும் எனது நன்றியையும் பாராட்டையும் தெரிவித்துக் கொள்கிறேன் என்றார்.

நன்றி:nakkheeran.in